boge

martes, 26 de junio de 2012

Orbe armiarmaren urrezko sedaz egindako munduko jantzi bakarra

Duela hiru urte, Orbe armiarmaren urrezko sedaz egindako munduko janzteko pieza handiena eta bakarra sortu zuten. Hain zuzen ere, Madagaskarko basoetatik milioi bat armiarma ehuletik gora hartu zituzten proiektua aurrera eramateko.

Argazkia : John Brown

2009an New York-eko Historia Naturalaren Amerikar Museoan jarri zuten ikusgai eta bisitari-marka guztiak hautsi zituzten erakusketarekin; aurten Londreseko Victoria & Albert Museoan izan da ikusgai.

Historian zehar beti esan da gizonak armiarmei begira ikasi duela ehuntzen. Nahiz eta armiarmen seda hoberena izan, bere zailtasunagatik arinago ez da inoiz inolako esperimenturik egin.

Proiektu hau erakusteko bere aldakortasunagatik kapa bat diseinatzea erabaki zuten. Produkziorako milioika armiarma emakume erabili zituzten eta lan horretarako kualifikatutako 80 pertsonako taldea aritu zen lanean milaka orduz.

Lana amaitutakoan, erabilitako armiarma guztiak beraien habitat naturalera itzuli zituzten.

Benetan lan nekeza, 23.000 armiarmaraino gutxi gorabehera behar izan dituzte sedazko ontza bakar bat egiteko, beraz, atera kontuak!
Guztiz izugarria benetan!!!! Inoiz lehenago ez ikusia!!!!

lunes, 18 de junio de 2012

Alazne Etxebarria bizkaitarra saritua Art&fashion lehiaketan

Bilbao International Art&fashion lehiaketak bere hirugarren edizioko irabazleak saritu zituen asteartean; Alazne Etxebarria bizkaitarrak hirugarren saria eskuratu du Untitled lanarekin, hain zuzen, diseinatzaile lana Euskal Herrian bertan garatzen duen diseinatzaile onenaren saria lortu du. Hezurrez egindako hiru osagarri dira bere lana osatzen dutenak, Marcel Duchamp eta Fernando del Pasoren arteko elkarrizketa batean oinarrituz diseinatutakoak.

Bestalde, janzteko arropa kategorian Yuichi Ozaki japoniarra izan zen irabazlea eta osagarrien modalitatean Hila Raby-Vardi israelita. Bi hauentzat 10.000 euroko saria izan da eta bizkaitarrarentzat 5.000 eurokoa.
47 herrialdetako 800 diseinatzailek baino gehiagok parte hartu dute Bilboost moda komunitate birtualak antolatutako lehiaketa honetan.
Diseinatzaile gazte hauen lanak, bai irabazleenak baita gainontzeko finalistenak ere, guztira 33 finalista dira, Bilboko BBK Aretoan izango dira ikusgai hilaren 23ra arte.

jueves, 14 de junio de 2012

H&M ETA MAISON MARTIN MARGIELA

Bero-bero Boge zuekin da uda honetan modaz busti zaitezten!!
Eta nola ez, moda etxe garrantzitsuenetakoa den Maison Martin Margielaren eta H&M-ren arteko kolaborazioaz hitz egin behar da. 2012-13 udazken eta negu denboraldirako kolekzioa aterako dute, gizonezkoentzat zein emakumezkoentzat arropak eta osagarriak elkar diseinatuko dituzte.
Kolekzioa, hain zuzen, azaroaren 15ean salgai izango da suediar enpresa erraldoiaren 230 salmenta dendatan baita online ere.
Moda etxe frantziarra azken belaunaldietan handienetako bat bezala kontsideratu da mundu guztian. H&M-rentzat ohore bat dela esan daiteke eta nola ez moda zaleentzat, izan ere, Martin Margielaren modelo esklusibo bat eskuratzea ez da gutxi, kontuan izanik normalki jende gutxik duela sinadura frantzesa eskuratzeko erraztasuna. Horregatik, Maison Martin Margielak bere arroparen "demokratizazio" bezala ikusten du kolaborazio hau, hain kontrakoak diren Margiela eta H&M bi unibertsoak bateratuz.
Beraz, nahiz eta oraindik uda osoaz gozatzea falta zaigun, moda zaleontzat ezinezkoa da berri garrantzitsu hau ahaztea! Ea etiketak hain berezia izaten jarraitzen duen, detaile oso garrantzitsua baita. Eskerrik asko H&M, eskerrik asko Maison Martin Margiela.

lunes, 23 de enero de 2012

Moda asteburua The Brandery azoka eta 080 Barcelona Fashion moda desfileekin

Moda ekitaldi garrantzitsuen garaian gaude, besteak beste, asteburu honetan 080 Barcelona Fashion eta The Brandery azoka izango dira Bartzelonan.

080 Barcelona Fashion etzi bertan hasiko da, Erregearen Plazan. Lau egun iraungo dute moda ekitaldi honetako desfileek, asteazkenetik larunbatera. Guztira, 19 diseinatzailek parte hartuko dute. Helburua Bartzelona eta Katalunia moda sektorean erreferente izatea da.
Bestalde, The Brandery moda azoka ostiralean irekiko dute igandera arte; tendentziak, diseinua, sormena eta nola ez musika elkartuko dira Fira Barcelonan. 145 erakustoki izango dira leku berean eta momentu berean, hiri moda eskainiz. Moda festa erraldoia izango da, hain zuzen, modako musika taldeen kontzertuak izango dira ostiral eta larunbat gauetan, besteak beste, 2ManyDjs, Fangoria eta Dorian taldeek joko dute.

Beraz, moda jarraitzaileek baduzue zer ikusi eta ikasi aste honetan ekitaldi bi hauetatik.

lunes, 19 de diciembre de 2011

Versace eta H&M berriz ere elkarlanean

Duela hilabete Versacek arrakasta izugarria izan zuen H&M dendetan aurkeztutako diseinuekin. Ondorioz, marka suediarrarekin elkarlanean bigarren kolaborazio bat aurkeztuko du Versacek 2012. urte berrirako. Hain zuzen udaberri/uda denboraldirako arropa izango da, bai emakumezkoentzat zein gizonezkoentzat. Urte hasieran salgai jarriko dute H&M markaren zenbait salmenta puntutan.
Emakumeentzako arropetan estanpazioak eta urre-detaileak nagusi izaten jarraituko duten bitartean, gizonentzako arropak alde horretatik "sinpleagoak" izango dira. Aurrerapen moduan hona hemen gizonentzako eta emakumeentzako zenbait pieza, hurrenez hurren: